DeSian Blog

بازاڕی گۆڤاری لینوکس.

DeSian — Sat, 02 Jan 2010 21:37:08 +0000

لەسەردەمانێک خولیای ئەم سیستەمە یان باشترە بڵێین ئەو ئایدۆلۆژییە (ئازادی لەئازادیدا) بووین، سەرچاوە زۆر کەم بوو. دەستکەوتنی شتێک بۆ خوێندنەوە، هەر ئەو پەرتووکە ئەستوورە زۆر توندوتۆڵانە بوون، کەخوێندنەوەیان کاتی باشی دەوست بۆ پراکتیزەکردن و لێکدانەوەی کەسیی خۆت. لێ ئەمڕۆ هەموو لایەنەکانی تری پەیدا بوون، بەڕەنگ و ڕوویەکەوە کەمایکرۆسۆفت هەمیشە خەریکە بیرۆکە دزینە وەکو (taskbar mouse over) کەپڕاو پڕ لەساڵی 2005 لە KDE بەکارهاتووە. بەهەرحاڵ.

ئەمڕۆ لەوێستگەکاندا و کۆشکەکاندا گۆڤارە جیاجیاکانی ئەوەندە زۆربوون بەباتی زانستی، چاوپێکەوتن، تووڵئامراز tip and tricks …هتد بەڕەنگ و ڕوویەکەوە کەتامەزرۆی خوێندنەوەیان دەکەیت، هەروەها هەمیشە هەڵگری DVD یان چەند دانەیەکن پڕ لەدابەشکردنەکانی لینوکس و نەرمەکاڵای بەسوود و ڤیدیۆ و ڕاهێنان و پڕۆگرامۆکە وێب ..هتد. هەربۆیەشە زۆر دەفرۆشرێن و ئارەزوو لەسەریان واچەندین ساڵە هەر ڕوو لەسەرکەوتنە.
وێنە: وێنەی تەختێکی گۆڤار و ڕۆژنامە فرۆشتنە لەوێستگەی شەمەندەفەری شارەکەمان.

نەژادپەرستی و نەتەوەپەرستی دوو دیوی یەک دراو!

DeSian — Sun, 06 Dec 2009 13:58:51 +0000

ئەمە یەکێکە لەهەرە ڤیدیۆ دەگمەکانی سەردەمی ئەوپەڕی نەژادپەرستی تورکیا (کەپێم وایە ئێستا تەنها قچێک کاڵترە)، لەم ڤیدیۆیەدا نیشان دەدرێت، کە تورکە کێویەکان جل و بەرگی خۆیان هەیە و هەڵپەڕینی خۆیان و فۆلکلۆرێکی تایبەتیان هەیە، بەڵام لەبەر ئەوەی تورکیا تەنها هی تورکانە دەبێت بەوشەی تورکیەوە سەما بکەن هەرچەندە ئاوازەکەش هەر تورکی کێوییە. ئەفسووس بۆ مرۆڤایەتی

تورکی کێوی: ئەمە دەستەواژەی ئەوانە بۆ میللەتی کورد.
تورکیا تەنها هی تورکانە: وەرگێڕاوی یەکەم دێڕی دەستوری تورکیایە TÜRKIYE TÜRKLERINDIR

ئەگەر دەتەوێت قەت نەزانیت هاک چییە؟

DeSian — Sun, 08 Nov 2009 18:35:02 +0000

ماوەیەک بەرلەئێستا ئەم بابەتە کاک ئاراس ناردی بۆم، بەبۆنەی کەمکاتییەوە نەمتوانی ڕای خۆم دەربڕم بۆیە بەوردی خوێندمەوە چەند جارێک. پێش هەموو شتێیک:
1. هاوڵاتی وەکو رۆژنامەیەکی کوردی خاوەن ناوبانگ. هەقە یەک تۆز خەڵکی شارەزایان هەبێت بۆ هەڵسەنگاندنی بابەتی ئایتی بەگشتی.
2. هەردوو ئەو برادەرەی قسەیان لەسەری کردووە ئاڤێستا گرووپ و دۆت نێت، چەند نەشارازەیەک یەک بابەتی هاک و پاراستن دەزانێت ئەوانیش ئەوەندە.
بابچینەوە بەسەر چەند خاڵیکدا وەکو پانۆراما

سه‌باره‌ت به‌دۆزینه‌وه‌ی ئه‌وكه‌سه‌ی ئه‌وكاره‌ی كردووه‌ ناوبراو ئه‌وه‌ ئاشكراده‌كات كه‌ له‌چه‌ند رێگه‌یه‌كه‌وه‌ ده‌دۆزرێته‌وه‌ ئه‌ویش یان له‌ڕێگای ئایپی كۆمپیوته‌ره‌وه‌یه‌ یان یان له‌ڕێگه‌ی دۆمه‌ینه‌وه‌ ئه‌نجامده‌درێت.

نازانم ئەم بەڕێزە پێیوایە هاکەر/پەلاماردەر ئەوەندە نەفام گێل بێت، کەبچێت ئایپی خۆی دۆمەینی خۆی بەکارببات؟ باشە بەکاربردنی پرۆکسی و دروستکردنی ڕاژەیەکی پرۆکسی proxy server دەبێت چەند گران بێت تاهاکەرێک پەی پێنەبات؟ ئەمە لێکدانەوەیەکی هەیە:
ئەوەی کەدواوە لەسەری خۆی نازانێت جارێک هاک و پەلامار چین و چۆن ئەنجام دەدرێن!؟

له‌چه‌ند رۆژی‌ رابوردوودا ماڵپه‌ری‌ رۆژنامه‌ی‌ هاوڵاتی‌ له‌لایه‌ك كه‌سێكی‌ نادیاره‌وه‌ هاككرا، میران ئیسماعیل دیزاینه‌رو كارمه‌ند له‌كۆمپانییای دۆت نێت وتی‌ «ئه‌و كه‌سه‌ی‌ كه‌ توانیویه‌تی‌ هاكی‌ بكات له‌ڕێگه‌ی ده‌ستكه‌وتنی پاسوۆرده‌كه‌ی بووه‌ چووه‌ته‌ ناو سایته‌كه‌وه‌«.

وایە، چونکە خۆیان بەتەکنیکی بەناوبانگی ASP.NET چێکیان کردووە، مەحاڵە هاک بکرێت، ئیلا و بیلا پاسۆردەکەی کارمەندێکیان دزیوە. ئەمە دەریدەخات لەئەلف و بێی خوێندنەوەی لۆگەکانی log files تێنەگەشتوون. بەداخەوە ڕاژەی هاوڵاتی وەکو هەموو پەڕەیەکی ئاسایی shared hosting ــەو ناتوانن بزانن چی ڕویداوە. ئەگەر دەیانزانی وانەئەبوو.

هه‌ندێك له‌دیزاینه‌رو كۆمپانیا كوردییه‌كان ئه‌وانه‌ی كه‌ كاری‌ دیزاینی سایت‌و فرۆشتنی دۆمه‌ینه‌ كوردییه‌كان ده‌كه‌ن پێیانوایه‌ ئه‌م كاره‌ ته‌نیا ئاره‌زوویه‌كی سه‌یره‌و هه‌ندێكیشیان به‌خیانه‌ت له‌قه‌ڵه‌می ده‌ده‌ن.

هاکەر و هاککردن وەکو پرۆسە نەبێت ئێستاش دەبا لەلێواری دنیای ئایتی بوینایە، کەسی هاککەر جانەوەر نییە بەڵکو پڕۆژەی هاککردن بەتایبەت Linux Kernel Hackers هۆکاری سەرەکی بەردەوامی خۆگونجاندنی ڕەقەکاڵاو و سیستەم و نەرمەکاڵان بەگشتی. هاککەری باش وەکو Alan cox لەم زلە کۆمپانیا بۆ ئەوەی تر دەچن لەپێناو پێشختن و زیاتر شکاندنی دیوارە ڕێگرەکان لەبەردەم پرۆسەی هارمۆنیکردنی ڕەقەکاڵا و سیستەمدا.

ده‌رباره‌ی‌ ناسینه‌وه‌ی‌ ئه‌و كه‌سانه‌ی‌ كه‌ ئه‌و كاره‌ده‌كه‌ن زانست جه‌مال به‌ڕێوه‌به‌ری كارمه‌ندانی كۆمپانیی ئاڤێستا گرووپ، ئه‌وه‌ی‌ ئاشكرا كرد كه‌ ئه‌گه‌ر ئه‌وكه‌سه‌ له‌كوردستان ئه‌وكاره‌ بكات، ده‌توانیت بزانیت خه‌تی ئینته‌رنێته‌كه‌ی له‌ڕێگه‌ی چ كۆمپانیایه‌كی‌ ئینته‌رنێته‌وه‌یه‌ یان چ هێلێكی‌ به‌كارهێناوه‌.
وتیشی‌ «ئه‌م هێڵانه‌ش ئایپی تایبه‌تی خۆیان هه‌یه‌و ئه‌گه‌ر لێره‌ بكرێت ده‌دۆزریته‌وه‌، به‌ڵام ناتوانێت به‌ته‌واوی رێگری لیبگریت، چونكه‌ سایته‌ به‌ناوبانگه‌ جیهانییه‌كانیش هاك ده‌كرێن«.

هەمان هۆکارەکانی سەرەوە، کەڕادەی نەزانینی ئەو کەسانە لەڕووی پاراستن و ڕاژەوە دەردەخات.

ڕای کۆتایی:
هاککەر ئەو جانەوەرە بێمۆڕاڵە نییە، بەڵکو هاککرن یەکێکە لەپێویستیەکانی پرۆسەی تەکنەلۆژیای زانیاری. هەروەها پەلاماردەر و هاککردن هەموو کات لەدوای خۆی توندێکی تایبەت دەدات بەو ماڵپەڕ/نەرمەکاڵا/دەنکە. واتا هاکەر یەکسانە بەپڕۆگرامنوسێکی شارەزای بەسەلیقە (ئەگەر ئامرازی حازر و پەلاماری ئاشکرای دووبارەی دەستی پێشوی خۆی نەکاتەوە) بۆ نمونە ماڵپەڕی ئاوینە و هاوڵاتی و سبەی …هتد ئەوانەی بەم تەکنیکە نوێیە (واتا نەرمەکاڵای visual studio بەکاربردن و هەندێک کۆدی نادروستی html stupid table هەروەها بەیارمەتی نەرمەکاڵای DHTML Menu بۆ دروستکردنی دووگمەکان) هەموویان بۆ پەلاماردان شتێکی کراوەن. جاتائێستا چەند جار کراون ئەوەندە زیاتریان لەپێشە. بانمونەیەک وەربگرین:

ئایپی ڕاژەکە ( ping ئەمەت دەداتێ) واتا هەیە وەکو ئاسایی و ڕووکەش، هەروەها زانیاری تر لەسەر شوێنگەکان.
بەکرتەیەک دەست دەکەوێت ئەویش بەم شێوەیە
نمونەیەکی ئاسایی
یان زانینی کون و کەلەبەر
بەستەری تر
تێپەڕەوشە
ئەمەشیان ‌Hash Cracker زۆرن جابەتایبەتی بۆ MD5.

ئوبونتوی نوێ بەتاریکی!

DeSian — Sat, 26 Sep 2009 21:52:38 +0000

دەمێک بوو، لەبەر هۆکاری نەبوونی ڕەقەکاڵای لەبار بۆ بەکاربردنی Ubuntu دوورکەوتوبوومە لێی، تەنها جارجارە لە virtualbox ـەوە تەماشای دوایەمین گۆڕانکارییەکانم دەکرد لەگەڵ دابەشکردنەکانی تر. هەرچەندە وەکو ئایدۆلۆژی Fedora ــم پێ دروسترە وەکو خۆم، بەڵام بەکارهێنانی SElinux لەلایەنیانەوە گوومانی خستۆتە دڵمەوە، کەبەهەمان دەڤەری Redhat دەڕوات نەکەم نەزیاد و مۆنۆپۆلکردنی پڕۆژەکە بەچاوتروکانێکە. هەروەها لەم هەفتەیەدا هەواڵی Fedora۱۲ و تێهەڵکێشکردنی Sandbox ــم خوێندەوە. وەکو دیوێکی تری ئاسایش، کەخۆی لەخۆیدا یەک هۆقە پرسیار هەڵدەگرێت.
ئایا بۆ ئاسایشێکی تێهەڵکێش بەسەرویدا، ئەی بۆ سیستەمەکە خۆی بەتەنها نا؟ شایەت ئەمە بیروبۆچوونی بەکارهێنەرێکی ئاسایی وەکو منە. چونکە بمانەوێت و نەمانەوێت توانای سیستەمی کارگێڕی لەبەڕێوەبردنی ڕاژەدا دەردەکەوێت. کەکاریش کەوتە سەرئەوەی لەڕاژەیەکدا سەدەها هەزار بڕە پارە و نهێنی تاکەکانی تیابێت، ئیتر وتنەوەی قەوانە سواوەکەی هەندێ windows mouse pusher بەکارنایەت و ئاسایش قسەی خۆی هەیە. ئایا کێ لەتوانایدایە پرۆسەی ئاسایش بەڕێوە ببات؟
وەکو زۆر جار وتومە: سیستەم بەقەت ئەدمینەکەی(بەڕێوبەرەکەی) پارێزراوە. وە ئاسایش دۆخ نییە بەڵکو پرۆسەیە هەموو ساتێک دەبێت خۆی پتەوتر بکات هەروەها پێویستی بەبەڕێوەبردنە.
بەهەرحاڵ !!
ئەمەش کۆمەڵێک وێنەی سەر ڕوومێزەکە Ubuntu 9.04 Jaunty:

بیرکاری و Bundestag ــی ئەڵمانی و قەرز!

DeSian — Sun, 20 Sep 2009 13:39:14 +0000

بەهاتنمان بۆ ئەم وڵاتانە، تێکەڵ بەدنیایەکی تر و مینتاڵیتی میللەتانی تر دەبیت. ناویان دەژێت و دەگوزەرێیت. بەبۆنەی ژیانەوە دیسانەوە سەردەمێکە لەئەڵمانیا وەکو خۆم دوورم. تەنها بەو پەرتووک و کەناڵ و ماڵپەڕانەوە نەبێت کەدەیانبیم و دەیانبیستم و دەیانخوێنمەوە. هەروەها جار جار بەهۆی کۆمەڵێک برادەری کاتی خوێندنەوە دەکەوینە دەمەتەقێ. بەڵام ئەمرۆ لە YouTube ئەمەم بەرچاو کەوت. پێکەناوی و لۆجیکە قسەکانی ( سەرەڕای ئەوەش بەدیالێکتی یان بەئەکسێنتی خەڵکی بایەرەوە ). بیرکاری و ژمێریاریەکی وردی تێدایە، کەپڕاوپڕ دەکاتە دیسیپلینی ئەڵمانڕەگەز.

سیاسیەکانیان لەو وڵاتەی کەسەردەمێکە یەکەم وڵاتی جیهانە بۆ هەناردەکردن و لەباشترین وڵاتانی جیهانە لەڕووی جۆرایەتی ژیانەوە و لەتەکنەلۆژیاشدا لەیەکەمی یەکەمەکانە. کەچی ئاوها باس لەقەرزاری حکومەتەیان دەکەن و دەیکەن. ئەوانەی لای خۆشمان بەدرۆ کەلاوەیان لێکردوین بەدوبەی و سانفراسیسکۆ هەمیشە وڵات شامی شەریفە.